ທ່ານ ທອງລຸນ ສີສຸລິດ ໄດ້ສົ່ງຄໍາແບ່ງເບົາຄວາມເສົ້າສະຫຼົດໃຈຢ່າງສຸດຊື້ງຂອງການນໍາພັກ, ລັດ ແລະປະຊາຊົນລາວ ມາຍັງການນໍາພັກ, ລັດ ແລະປະຊາຊົນຫວຽດນາມ ຕໍ່ການຈາກໄປຂອງທ່ານ ໂດ໋ເມື່ອຍ, ອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ.

leftcenterrightdel
ທ່ານ ຫງວຽນຝູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຕ້ອນຮັບທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ. ພາບ: ສຳນັກຂ່າວສານຫວຽດນາມ.

ທີ່ການຕ້ອນຮັບ, ທ່ານ ທອງລຸນ ສີສຸລິດ ຢືນຢັນວ່າ, ພັກ, ລັດ ແລະປະຊາຊົນລາວ  ຍາມໃດກໍ່ຮັກສາ ແລະເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ ໃຫ້ນັບມື້ນັບແຕກດອກອອກຜົນ.

ຕາງໜ້າພັກ, ລັດ ແລະປະຊາຊົນຫວຽດນາມ, ທ່ານ ຫງວຽນຝູຈ້ອງ ສະແດງຄວາມຂອບອົກຂອບໃຈພັກ, ສະພາແຫ່ງຊາດ, ລັດຖະບານ ແລະປະຊາຊົນລາວ ໄດ້ສົ່ງສານແບ່ງເບົາຄວາມໂສກເສົ້າຕໍ່ການຈາກໄປຂອງທ່ານ ໂດ໋ເມື່ອຍ; ຈັດສົ່ງບັນດາຄະນະຜູ້ແທນຂັ້ນສູງພັກ, ລັດ ລາວ ໄປວາງພວງມາໄວ້ອາໄລ ແລະເຊັນປື້ມໄວ້ອາໄລຢູ່ສະຖານທູດຫວຽດນາມ ປະຈຳ ລາວ ແລະໄດ້ຈັດສົ່ງຄະນະຜູ້ແທນຂັ້ນສູງພັກ, ລັດ ລາວ ໂດຍທ່ານ ທອງລຸນ ສີສຸລິດ ນຳໜ້າ ມາເຂົ້າຮ່ວມພິທີໄວ້ອາໄລຢູ່ຫວຽດນາມ, ສະແດງໃຫ້ເຫັນສາຍພົວພັນສາມັກຄີແບບພິເສດ, ບໍລິສຸດຜຸດຜ່ອງລະຫວ່າງສອງພັກ, ສອງລັດ ແລະປະຊາຊົນສອງປະເທດ. ທ່ານ ຫງວຽນຝູຈ້ອງ ຢືນຢັນວ່າ, ພັກ, ລັດ ແລະປະຊາຊົນຫວຽດນາມ ຈະເຮັດຈົນສຸດຄວາມສາມາດຂອງຕົນພ້ອມກັບພັກ, ລັດ ແລະປະຊາຊົນລາວ ຮັກສາ ແລະພັດທະນາສາຍພົວພັນສາມັກຄີແບບພິເສດຫວຽດນາມ-ລາວ ໃຫ້ນັບມື້ນັບພັດທະນາ, ເພື່ອການພັດທະນາວັດທະນາຖາວອນຂອງສອງຊາດກໍຄືເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນ ແລະໃນໂລກ.

leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີແຫ່ງ ສສ. ຫວຽດນາມ ຕ້ອນຮັບທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ. ພາບ: ສຳນັກຂ່າວສານຫວຽດນາມ.

ຕອນບ່າຍວັນດຽວກັນ, ທີ່ສຳນັກງານນາຍົກລັດຖະມົນຕີ, ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ກໍ່ໄດ້ໃຫ້ການຕ້ອນຮັບທ່ານ ທອງລຸນ ສີສຸລິດ ນາຍົກລັດຖະມົນຕີລາວ ແລະຄະນະຜູ້ແທນຂັ້ນສູງພັກ, ສະພາແຫ່ງຊາດ, ລັດຖະບານ ແລະແນວລາວສ້າງຊາດ ທີ່ມາເຂົ້າຮ່ວມພິທີໄວ້ອາໄລອະດີດເລຂາທິການໃຫຍ່ ໂດ໋ເມື່ອຍ.

ໂດຍ: ສົມເພັດ