ຕອນບ່າຍວັນທີ 7 ຕຸລາ, ທ່ານ ຫງວຽນຊວນຟຸກ ແລະພັນລະຍານໍາໜ້າຄະນະຜູ້ແທນຂັ້ນສູງຫວຽດນາມ ໄດ້ໄປຮອດສະໜາມບິນສາກົນ Haneda, ນະຄອນຫຼວງໂຕກຽວ.

leftcenterrightdel
ທ່ານ ຫງວຽນຊວນຟຸກ ແລະພັນລະຍາໄປຮອດນະຄອນຫຼວງໂຕກຽວ, ເລີ່ມຕົ້ນການເຂົ້າຮ່ວມກອງປະຊຸມສຸດຍອດແມ່ນ້ຳຂອງ- ຍີ່ປຸ່ນ ຄັ້ງທີ 10 ແລະຢ້ຽມຢາມຍີ່ປຸ່ນ. ພາບ: ສໍານັກຂ່າວສານຫວຽດນາມ.

ວັນທີ 8 ຕຸລາ, ທ່ານ Shinzo Abe ນາຍົກລັດຖະມົນຕີຍີ່ປຸ່ນ ເປັນປະທານພິທີຕ້ອນຮັບທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ຢ່າງສົມກຽດ. ຈາກນັ້ນ, ນາຍົກລັດຖະມົນຕີສອງທ່ານນຳໜ້າຄະນະຜູ້ແທນຂັ້ນສູງສອງປະເທດດຳເນີນການເຈລະຈາ; ເປັນສັກຂີພິຍານພິທີລົງນາມໃນບັນດາເອກະສານຮ່ວມມືລະຫວ່າງສອງຝ່າຍ.

ທ່ານນາຍົກລັດຖະມົນຕີ ຫວຽນຊວນຟຸກ ຈະເຂົ້າຮ່ວມກອງປະຊຸມສຸດຍອດແມ່ນ້ຳຂອງ-ຍີ່ປຸ່ນ ຄັ້ງທີ 10; ເຂົ້າຮ່ວມເວທີປາໄສລົງທຶນແມ່ນ້ຳຂອງ-ຍີ່ປຸ່ນ... ຄາດຄະເນວ່າ, ໃນການເດີນທາງຄັ້ງນີ້, ທ່ານ ຫງວຽນຊວນຟຸກ ຈະມີບັນດາການພົບປະ, ເຮັດວຽກກັບບາງວິສາຫະກິດ, ນັກລົງທຶນຂອງຍີ່ປຸ່ນ…

 

ໂດຍ: ບົວພອນ