ກ່າວຄໍາເຫັນໄຂເວທີປາໄສ, ທ່ານ Ali Tezolmez ປະທານສະພາການຄ້າ ຕວກກີ-ຫວຽດນາມ ຢັ້ງຢືນວ່າ, ເລື່ອງຈັດຕັ້ງເວທີປາໄສແມ່ນເຫດການສໍາຄັນທີ່ສຸດ, ຊ່ວຍສະພາການຄ້າຕວກກີ-ຫວຽດນາມ ແລະບັນດານັກລົງທຶນຕວກກີ ກໍາແໜ້ນບັນດາກາລະໂອກາດລົງທຶນດໍາເນີນທຸລະກິດກັບຫວຽດນາມ ໃນໄລຍະຈະມາເຖິງ.

leftcenterrightdel
ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ກ່າວຄໍາເຫັນທີ່ເວທີປາໄສ. ພາບ: ຈ໋ຽນຖັ໋ງ.

ກ່າວຄໍາເຫັນທີ່ເວທີປາໄສ, ທ່ານນາງ ຫງວຽນທິກິມເງິນ ໃຫ້ຮູ້ວ່າ, ພາຍຫຼັງ 30 ປີແຫ່ງການປ່ຽນແປງໃໝ່, ຫວຽດນາມ ຮັກສາການເຕີບໂຕຢູ່ລະດັບສູງຢ່າງຕໍ່ເນື່ອງ, ກາຍເປັນປະເທດມີລາຍຮັບສະເລ່ຍຢູ່ໃນລະດັບປານກາງ, ຂອບຂະໜາດ GDP ບັນລຸ 240,5 ຕື້ໂດລາສະຫະລັດ, ມູນຄ່າການຄ້າກວ່າ 475 ຕື້ໂດລາສະຫະລັດ. ສະພາບແວດລ້ອມແຫ່ງການລົງທຶນດໍາເນີນທຸລະກິດຂອງຫວຽດນາມ ໄດ້ຮັບການປັບປຸງຢ່າງບໍ່ຢຸດຢັ້ງ, ຄ່າໃຊ້ຈ່າຍການລົງທຶນມີການແກ່ງແຍ້ງ, ພື້ນຖານໂຄງລ່າງການ ຄົມມະນາຄົມພວມໄດ້ຮັບການລົງທຶນຢ່າງແຮງດ້ວຍລັກສະນະເຊື່ອມຕໍ່ກັບສາກົນຢ່າງສະດວກ, ພ້ອມກັນນັ້ນແມ່ນບັນດານະໂຍບາຍພັດທະນາເສດຖະກິດທີ່ດູດດື່ມ...

leftcenterrightdel
ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ແລະບັນດາຜູ້ແທນພ້ອມດ້ວຍຜູ້ຕາງໜ້າບັນດາວິສາຫະກິດລົງນາມໃນເອກະສານຮ່ວມມື. ພາບ: ຈ໋ຽນຖັ໋ງ.

ທ່ານນາງ ຫງວຽນທິກິມເງິນ ຢັ້ງຢືນວ່າ, ຫວຽດນາມໃຫ້ຄໍາໝັ້ນສັນຍາວ່າຈະສ້າງສະພາບແວດລ້ອມແຫ່ງການລົງທຶນດໍາເນີນ ທຸລະກິດທີ່ມີຄວາມສະໜິດສະໜົມກັບວິສາຫະກິດຕາມບັນດາມາດຕະຖານຂອງສາກົນ ແລະອົງການຮ່ວມມື ແລະພັດທະນາ ເສດຖະກິດ (OECD). ຫວຽດນາມ ຍາມໃດກໍ່ເປີດປະຕູຕ້ອນຮັບບັນດາວິສາຫະກິດຕວກກີ ໄປຮ່ວມມື, ລົງທຶນດໍາເນີນທຸລະກິດ.

ທີ່ເວທີປາໄສ, ທ່ານນາງ ຫງວຽນທິກິມເງິນ ໄດ້ເປັນສັກຂີພິຍານພິທີລົງນາມໃນບັນດາເອກະສານຮ່ວມມືລະຫວ່າງວິສາຫະກິດສອງປະເທດ.

ໂດຍ: ທູຈາງ