ພິທີໄຂ MSEAP3 ໄດ້ດໍາເນີນດ້ວຍການເປັນປະທານຮ່ວມຂອງທ່ານ Binali Yildirim ປະທານສະພາແຫ່ງຊາດຕວກກີ, ທ່ານ Moon Hee Sang ປະທານສະພາແຫ່ງຊາດ ສ.ເກົາຫຼີ ແລະທ່ານ V.Volodin ປະທານສະພາດູມາແຫ່ງຊາດສະຫະພັນລັດເຊຍ.

ພາຍຫຼັງພິທີໄຂ, MSEAP3 ໄດ້ດໍາເນີນວາລະປະຊຸມຄົບຄະນະທີໜຶ່ງດ້ວຍການບໍລິຫານຂອງທ່ານ Binali Yildirim, ປະທານສະພາແຫ່ງຊາດຕວກກີ.

leftcenterrightdel
ທ່ານນາງ ຫງວຽນທິກິມເງິນ ກ່າວຄໍາເຫັນທີ່ MSEAP3. ພາບ: ສຳນັກຂ່າວສານຫວຽດນາມ.

ກ່າວຄໍາເຫັນທີ່ວາລະປະຊຸມ, ທ່ານນາງ ຫງວຽນທິກິມເງິນ ເນັ້ນໜັກວ່າ, ການຮ່ວມມືດ້ານເສດຖະກິດບົນພື້ນຖານເຄົາລົບນັບຖືເຊິ່ງກັນ ແລະກັນກ່ຽວກັບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ຄວາມສະເໝີພາບ, ຍຸຕິທໍາ ແລະຕ່າງຝ່າຍຕ່າງມີຜົນປະໂຫຍດແມ່ນເງື່ອນໄຂສໍາຄັນເພື່ອຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບແນໃສ່ຜ່ານຜ່າສິ່ງທ້າທາຍ ເພື່ອມຸ່ງໄປເຖິງເປົ້າໝາຍພັດທະນາແບບຍືນຍົງ.

leftcenterrightdel
ທ່ານນາງ ຫງວຽນທິກິມເງິນ ຖ່າຍຮູບກັບບັນດາຜູ້ແທນເຂົ້າຮ່ວມ MSEAP3. ພາບ: ຈ໋ຽນທັ໋ງ.

ທ່ານນາງ ຫງວຽນທິກິມເງິນ ຢັ້ງຢືນວ່າ, ສະພາແຫ່ງຊາດຫວຽດນາມ ຍາມໃດກໍ່ເຂົ້າຮ່ວມຢ່າງຕັ້ງໜ້າ ແລະມີຄວາມຮັບຜິດຊອບເຂົ້າບັນດາການເຄື່ອນໄຫວການທູດລັດຖະສະພາຢູ່ພາກພື້ນ ແລະໃນໂລກ, ພ້ອມແລ້ວທີ່ຈະສະໜັບສະໜູນການເຄື່ອນໄຫວຮ່ວມມືກັບບັນດາລັດຖະສະພາອາຊີ-ເອີຣົບ, ເພີ່ມທະວີການແບ່ງປັນບົດຮຽນ, ຂໍ້ມູນຂ່າວສານ, ປະກອບສ່ວນໜູນຊ່ວຍກັນຮັບມືກັບບັນດາສິ່ງທ້າທາຍທົ່ວໂລກ, ປະກອບສ່ວນເຂົ້າໃນການຮັບປະກັນສັນຕິພາບ, ຄວາມໝັ້ນຄົງ, ວັດທະນາຖາວອນໃນໂລກ.

ທ່ານນາງ ຫງວຽນທິກິມເງິນ ສະເໜີເພີ່ມທະວີການຮ່ວມມືອາຊີ-ເອີຣົບ ກວ່າອີກ, ຍູ້ແຮງການຮ່ວມສໍາພັນດ້ານເສດຖະກິດຢູ່ພາກພື້ນ ແລະລະຫວ່າງພາກພື້ນ, ຮ່ວມມືດ້ານການຄ້າຫຼາຍຝ່າຍໃນທົ່ວໂລກບົນພື້ນຖານຕ່າງຝ່າຍຕ່າງມີຜົນປະໂຫຍດ ແລະອີງໃສ່ກົດໝາຍສາກົນ. ເພີ່ມທະວີການສ້າງຄວາມໄວ້ເນື້ອເຊື່ອໃຈ, ຄວາມເຂົ້າອົກເຂົ້າໃຈ ແລະເຄົາລົບນັບຖືເຊິ່ງກັນ ແລະກັນ, ແກ້ໄຂບັນດາການຂັດແຍ້ງກັນໂດຍສັນຕິວິທີ, ເຄົາລົບນັບຖືກົດໝາຍສາກົນ, ພ້ອມກັນຮ່ວມມື ເພື່ອບັນດາເປົ້າໝາຍພັດທະນາແບບຍືນຍົງ, ນໍາມາເຊິ່ງສັນຕິພາບ, ສະຖຽນລະພາບ ແລະຄວາມວັດທະນາຖາວອນໃຫ້ປະຊາຊົນທຸກຄົນ...

ໂດຍ: ບົວພອນ