leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ກ່າວຄຳເຫັນທີ່ເວທີປາໄສການລົງທຶນແມ່ນ້ຳຂອງ-ຍີ່ປຸ່ນ. ພາບ: chinhphu.vn.

ກ່າວຄຳເຫັນຕໍ່ໜ້າບັນດາການນຳ ແລະວິສາຫະກິດຂອງ 5 ປະເທດແມ່ນ້ຳຂອງ ແລະຍີ່ປຸ່ນ, ທ່ານ ຫງວຽນຊວນຟຸກ ຢືນຢັນວ່າ, ໂດຍຕັ້ງຢູ່ໃຈກາງອາຊີທີ່ພັດທະນາຢ່າງຂະຫຍັນຂັນເຄື່ອນ, ພາກພື້ນແມ່ນ້ຳຂອງພວມບືນຕົວຂຶ້ນດ້ວຍຄວາມຕັດສິນໃຈ, ຄວາມສາມາດບົ່ມຊ້ອນ ແລະກຳລັງແຮງຂອງຕົນ. ທ່ານ ຫງວຽນຊວນຟຸກ ຊີ້ແຈ້ງວ່າ, ໃນສະພາວະເສດຖະກິດໂລກ, ພາກພື້ນມີຫຼາຍປັດໄຈຂາດສະຖຽນລະພາບ, ສັບສົນ, ຫວຽດນາມ ຍັງຄົງຮັກສາສະພາບແວດລ້ອມດ້ານການເມືອງສັງຄົມຢ່າງໝັ້ນຄົງ, ພ້ອມກັບພື້ນຖານເສດຖະກິດມະຫາພາກທີ່ໝັ້ນຄົງ, ໜັກແໜ້ນ.

ທ່ານ ຫງວຽນຊວນຟຸກ ເນັ້ນໜັກວ່າ, ຫວຽດນາມ ກໍ່ສ້າງລັດຖະບານສ້າງສັນພັດທະນາ, ກະທຳ, ຮັບໃຊ້ປະຊາຊົນ, ວິສາຫະກິດເພື່ອສ້າງສະພາບແວດລ້ອມແຫ່ງການລົງທຶນ, ດຳເນີນທຸລະກິດໃຫ້ມີຄວາມສະດວກ. ເລື່ອງປະຕິບັດຂໍ້ລິເລ່ີມລວມຫວຽດນາມ-ຍີ່ປຸ່ນ ເລີ່ມແຕ່ປີ  2003 ໄດ້ສົ່ງຜົນກະທົບຫຼາຍດ້ານ,  ໄດ້ຮັບການຕີລາຄາສູງຈາກປະຊາຄົມບັນດານັກລົງທຶນຍີ່ປຸ່ນ, ປະກອບສ່ວນປັບປຸງສະພາບແວດລ້ອມແຫ່ງການລົງທຶນຂອງຫວຽດນາມ.

ບົນພື້ນຖານນັ້ນ, ທ່ານ ຫງວຽນຊວນຟຸກ ເຊື່ອໝ້ັນວ່າ, ດ້ວຍຄວາມສາມາດບົ່ມຊ້ອນຂອງພາກພື້ນແມ່ນ້ຳຂອງ ແລະສາຍພົວພັນອັນດີງາມລະຫວ່າງແມ່ນ້ຳຂອງ-ຍີ່ປຸ່ນ, ພາກພື້ນແມ່ນ້ຳຂອງເວົ້າລວມ ແລະຫວຽດນາມ ເວົ້າສະເພາະຈະແມ່ນຈຸດນັດພົບທີ່ມີຄວາມໄວ້ເນື້ອເຊື່ອໃຈຂອງບັນດານັກລົງທຶນ.

ໂດຍ: ແສງເດືອນ