ທີ່ການຕ້ອນຮັບ, ທ່ານ ຫງວຽນຊວນຟຸກ ຕີລາຄາສູງໝາກຜົນຂອງການເຮັດວຽກລະຫວ່າງທ່ານ ເພັດ ພົມພິພັກ, ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີລາວ ແລະທ່ານ ມາຍຕ໊ຽນຢຸງ; ລັດຖະມົນຕີ, ຫົວໜ້າຫ້ອງວ່າການນາຍົກລັດຖະມົນຕີຫວຽດນາມ; ສະເໜີສອງຝ່າຍສືບຕໍ່ສົມທົບກັນຜັນຂະຫຍາຍບັນດາເນື້ອໃນການຮ່ວມມືລະຫວ່າງສອງອົງການກໍ່ຄືບັນດາຂໍ້ຕົກລົງຮ່ວມມືລະຫວ່າງສອງປະເທດ.

ທ່ານ ເພັດ ພົມພິພັກ ໄດ້ສົ່ງຄໍາແບ່ງເບົາຄວາມເສົ້າສະຫຼົດໃຈຢ່າງສຸດຊື້ງຈາກການນໍາພັກ, ລັດ ແລະປະຊາຊົນລາວ ມາຍັງການນໍາພັກ, ລັດ ແລະປະຊາຊົນຫວຽດນາມ ຕໍ່ການຈາກໄປຂອງສະຫາຍ ໂດ໋ເມື່ອຍ, ອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ.

leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະທ່ານ ເພັດ ພົມພິພັກ, ລັດຖະມົນຕີ, ຫົວໜ້າຫ້ອງວ່າການ ສໍານັກງານນາຍົກລັດຖະມົນຕີລາວ. ພາບ: ສໍານັກຂ່າວສານຫວຽດນາມ.

ພາຍຫຼັງແຈ້ງໃຫ້ທ່ານ ຫງວຽນຊວນຟຸກ ຮັບຊາບກ່ຽວກັບສະພາບການເສດຖະກິດ-ສັງຄົມຂອງລາວ ໃນໄລຍະຜ່ານມາ, ທ່ານ ເພັດ ພົມພິພັກ ໃຫ້ຮູ້ວ່າ, ລັດຖະບານລາວ ປາດຖະໜາວ່າລັດຖະບານຫວຽດນາມ ຈະສືບຕໍ່ຮ່ວມມື, ແບ່ງບັນບົດຮຽນໃນການບໍລິຫານ, ການຄຸ້ມຄອງເສດຖະກິດມະຫາພາກ, ໃນນັ້ນມີການຈັດສົ່ງນັກຊ່ຽວຊານເກັ່ງມາຮ່ວມມືກັບບັນດານັກຊ່ຽວຊານຂອງລາວ.

ທ່ານ ຫງວຽນຊວນຟຸກ ຕີລາຄາສູງບັນດາໝາກຜົນກ່ຽວກັບເສດຖະກິດ- ສັງຄົມ ຂອງລາວ ໃນໄລຍະຜ່ານມາ, ເຫັນດີເປັນເອກພາບຕໍ່ຂໍ້ສະເໜີຂອງທ່ານ ເພັດ ພົມພິພັກ ກ່ຽວກັບເລື່ອງແບ່ງບັນບົດຮຽນໃນການບໍລິຫານ, ພັດທະນາເສດຖະກິດ-ສັງຄົມ. ທ່ານ ຫງວຽນຊວນຟຸກ ກໍ່ສະເໜີບັນດາກະຊວງ, ຂະແໜງການສອງປະເທດຊຸກຍູ້ບັນດາລາຍການ, ຂໍ້ຕົກລົງ ແລະໂຄງການຮ່ວມມືທີ່ກໍາລັງຜັນຂະຫຍາຍ, ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມຂອງແຕ່ລະປະເທດ.

ໂດຍ: ທູຈາງ